စိတ်ကျရောဂါဟာ အသက်အရွယ်မရွေး လူတိုင်းဖြစ်ပွားနိုင်တဲ့ရောဂါမျိုးပါ။ ဒီနေ့ခေတ်မှာ ဆင်းရဲမွဲတေမှု၊ အလုပ်အကိုင်ရှားပါးလာမှုတွေနဲ့အတူ စိတ်ကျရောဂါ ခံစားရတာတွေဟာလည်း ပိုမိုများပြားလာပါတယ်။ ဒါကြောင့်လည်း ကမ္ဘာ့ကျန်းမာရေးအဖွဲ့ (WHO) က ၂၀၁၇၊ ဧပြီလ (၇) ရက်နေ့မှာ ကျရောက်တဲ့ ကမ္ဘာ့ကျန်းမာရေးနေ့ရဲ့ ခေါင်းစဉ်အဖြစ် “စိတ်ကျရောဂါ” ကိုရွေးချယ်ထားပါတယ်။ လုပ်ငန်းရှင်တွေ၊ စီမံခန့်ခွဲမှုပိုင်း တာဝန်ယူထားသူတွေ အနေနဲ့လည်း စိတ်ကျရောဂါနဲ့ ပတ်သက်တာတွေကို သိရှိနားလည်ထားသင့်ပါတယ်။
စိတ်ကျရောဂါဟာ လုပ်ငန်းခွင်အပေါ် ဘယ်လောက်ထိ ရိုက်ခတ်နိုင်သလဲ
လုပ်ငန်းခွင်မှာ ဝန်ထမ်းတစ်ချို့ အလုပ်လုပ်နိုင်စွမ်း ပုံမှန်ထက်ကျဆင်းနေတာမျိုးကို တွေ့ဖူးကြမှာပါ။ သူတို့ဟာ အလုပ်ကနေ မကြာခဏ ခွင့်ယူတာ၊ အလုပ်နောက်ကျတာ၊ အလုပ်ထဲစိတ်မပါတာတွေလည်း ဖြစ်လေ့ရှိကြပါတယ်။ ဒီလိုမျိုး ဝန်ထမ်းတွေဟာ စိတ်ကျရောဂါကို ခံစားနေကြရဖို့များပါတယ်။ လုပ်ငန်းခွင်အုပ်ချုပ်သူတစ်ယောက် အနေနဲ့ ဒီရောဂါတွေကို ကုသတတ်ဖို့မလိုပေမယ့် ရောဂါအကြောင်းကို နားလည်ထားဖို့တော့ လိုအပ်ပါတယ်။
နှစ်စဉ် အနည်းဆုံးလူဦးရေ (၁၀) သန်းခန့်ဟာ စိတ်ကျရောဂါကို ခံစားနေကြရပြီး အများစုဟာ အလုပ်လုပ်နိုင်တဲ့ အရွယ်ကောင်းဖြစ်တဲ့ အသက် ၂၅နှစ်နဲ့ ၄၄နှစ်ကြားမှာ ဖြစ်လေ့ရှိပါတယ်။ စိတ်ကျရောဂါဟာ ဆေးကုသပေးဖို့ လိုအပ်ပြီး မကုသပဲ ထားမယ်ဆိုရင် နာတာရှည်ရောဂါအသွင်ဖြစ်သွားနိုင်ကာ မိမိကိုယ်ကိုသာမက မိသားစုကိုပါ ထိခိုက်လာနိုင်ပါတယ်။
ဒါ့အပြင် စိတ်ကျရောဂါဟာ လုပ်ငန်းခွင်အပေါ်ကိုလည်း များစွာသက်ရောက်မှုရှိပါတယ်။ လေ့လာချက်တွေအရ အမေရိကန်နိုင်ငံရဲ့ စီးပွားရေးလုပ်ငန်းတွေမှာ စိတ်ကျရောဂါကြောင့် ကုန်ကျတဲ့ စရိတ်စကဟာ နှလုံးရောဂါ ဒါမှမဟုတ် AIDS ကြောင့် ကုန်ကျရသလောက် နီးပါးရှိပါတယ်။ အလုပ်မှပျက်ကွက်ကျင့် (absenteeism) ကြောင့် အမေရိကန် ဒေါ်လာ ၅၁ ဘီလျံခန့် ကုန်ကျရလျက်ရှိပြီး ဆေးကုသစရိတ်ကြောင့် အမေရိကန် ဒေါ်လာ ၂၆ ဘီလျံခန့် ကုန်ကျနေကြရပါတယ်။
ဝမ်းသာစရာသတင်းကောင်းတစ်ခုကတော့ စိတ်ကျရောဂါခံစားနေရသူတွေရဲ့ ၈၀ ရာခိုင်နှုန်းကျော်ကို လျင်လျင်မြန်မြန်နဲ့ ထိရောက်စွာ ကုသလို့ရနိုင်တာပါပဲ။ အရေးကြီးတာက ရောဂါလက္ခဏာကို စောစောသိဖို့နဲ့ နည်းလမ်းမှန်မှန် ကုသဖို့ပါပဲ။ ဒါပေမယ့်လည်း စိတ်ကျရောဂါဖြစ်တဲ့ လူ၃ဦးမှာ ၂ဦးခန့်ဟာ လိုအပ်တဲ့ ဆေးကုသမှုကို မရရှိကြပါဘူး။
စိတ်ကျရောဂါဆိုတာ သာမန်စိတ်ညစ်တာထက်ပိုပါတယ်
လူတိုင်းဟာ စိတ်ညစ်တာတွေ၊ ဝမ်းနည်းတာတွေ ဖြစ်တတ်ကြပါတယ်။ ဒါပေမယ့် လူတစ်ယောက်ဟာ ဒီလိုစိတ်ခံစားချက်တွေကို အချိန်ကြာမြင့်စွာ ပြင်းပြင်းထန်ထန် ခံစားနေရရင်တော့ စိတ်ကျရောဂါဖြစ်နိုင်ချေရှိပါတယ်။ စိတ်ကျရောဂါဟာ လူတစ်ယောက်ရဲ့ ရုပ်ပိုင်း၊ စိတ်ပိုင်း၊ အတွေးနဲ့ အပြုအမူတွေကို ထိခိုက်စေနိုင်ပါတယ်။ သင့်ရဲ့ လုပ်ငန်းခွင်က ဝန်ထမ်းတွေမှာ အောက်ပါလက္ခဏာတွေရှိရင် စိတ်ကျရောဂါ ခံစားရနေလားဆိုတာကို ဆန်းစစ်သင့်ပါတယ်။
- လုပ်ရည်ကိုင်ရည်ကျဆင်းလာခြင်း
- စိတ်ဓာတ်ပိုင်းဆိုင်ရာ ပြဿနာရှိခြင်း
- ပူးပေါင်းဆောင်ရွက်မှု အားနည်းလာခြင်း
- အလုပ်ပျက်ကွက်မှုများလာခြင်း
- အရက်သေစာ အလွန်အကျွံသောက်သုံးခြင်း
စိတ်ကျရောဂါနဲ့ ပတ်သက်လို့ အလုပ်ရှင်တစ်ယောက်အနေနဲ့ ဘယ်လိုဆောင်ရွက်သင့်သလဲ
အားပေးပါ
ဥပမာအားဖြင့် “ခုတလော ရုံးလာတာနောက်ကျတယ်နော်။ အလုပ်တွေလည်း မပြီးဘူး။ မင်းရဲ့ ပုံစံအမှန်ကို ပြန်မြင်ချင်တယ်။ ဘာအခက်အခဲတွေရှိလဲ။ ငါ့ကို ပွင့်ပွင့်လင်းလင်း တိုင်ပင်နိုင်ပါတယ်။” ဆိုတာမျိုး ပြောဆိုအားပေးပါ။
- စိတ်ကျရောဂါနဲ့ ပတ်သက်ပြီး သိသင့်သိထိုက်တာတွေ လေ့လာထားပါ။
- ဝန်ထမ်းတွေမှာ စိတ်ကျရောဂါ လက္ခဏာရှိမရှိ လေ့လာစောင့်ကြည့်ပါ။
- စိတ်ရောဂါ နားလည်တတ်ကျွမ်းတဲ့ ပညာရှင်/ ဆရာဝန်နဲ့ တွေ့ဆုံကုသပေးပါ။
စိတ်ကျရောဂါ ခံစားရသူတွေရဲ့ ၈၀ ရာခိုင်နှုန်းကျော်ကို ဆေးရုံတက်စရာမလိုပဲ၊ အလုပ်အကိုင်မပျက်ပဲ ထိထိရောက်ရောက် ကုသပေးနိုင်ပါတယ်။ ဒီလိုကုသရာမှာ ဆေးဝါး ဒါမှမဟုတ် စိတ်ပညာနည်းနဲ့ ကုသနိုင်သလို နှစ်မျိုးလုံးကို ပေါင်းစပ်ပြီးတော့လည်း ကုသနိုင်ပါတယ်။ သာမန်အားဖြင့် ဒီလိုကုသမှုတွေဟာ ရောဂါခံစားရတဲ့ လက္ခဏာတွေကို ရက်သတ္တပတ် အနည်းငယ်အတွင်းမှာပဲ ပျောက်ကင်းစေနိုင်ပါတယ်။
ဒါကြောင့် လုပ်ငန်းများ တိုးတက်အောင်မြင်နိုင်ဖို့အတွက် စိတ်ကျရောဂါကို အလေးထားဆောင်ရွက်သင့်ပါကြောင်း တင်ပြအပ်ပါတယ်။
ရေးသားသူ – အောင်ခိုင်စိုး(OnDoctor)
