“ကျန်းမာခြင်းသည် လာဘ်တစ်ပါး” ဆိုတဲ့အတိုင်း ကျန်းမာစွာနေထိုင်နိုင်ဖို့ဟာ ကျွန်ုပ်တို့ လူသားတွေအတွက် အင်မတန်မှ အရေးကြီးတဲ့ ကိစ္စတစ်ခုဖြစ်ပါတယ်။ ကျန်းမာရေး ကောင်းမွန်မှသာ နိစ္စဓူဝ လုပ်ငန်းဆောင်တာတွေကို ပုံမှန်ဆောင်ရွက်နိုင်မှာလည်း ဖြစ်ပါတယ်။ ဒါပေမယ့် တခါတရံမှာတော့ မလွဲသာမရှောင်သာပဲ နေထိုင်မကောင်း ဖြစ်ကြရပါတယ်။ ဒီလိုနေထိုင်မကောင်းဖြစ်တဲ့အခါ သင့်တော်တဲ့ ကျန်းမာရေး စောင့်ရှောက်မှုတွေကို လူသားတိုင်း အလွယ်တကူ ရရှိကြပါသလား။
ကမ္ဘာ့ကျန်းမာရေးအဖွဲ့ (WHO) ရဲ့ စာရင်းများအရ အနည်းဆုံး ကမ္ဘာ့လူဦးရေ သန်း ၄၀၀ ခန့်ဟာ မရှိမဖြစ်လိုအပ်တဲ့ ကျန်းမာရေး စောင့်ရှောက်မှုတွေကို မရရှိကြပါဘူး။ ဒါ့အပြင် ကျန်းမာရေး စောင့်ရှောက်မှုစရိတ်တွေကို ကိုယ်တိုင်ကိုယ်ကျ ကျခံသုံးစွဲရတဲ့အတွက် နှစ်စဉ်လူသန်းပေါင်း ၁၀၀ ခန့်ဟာ ဆင်းရဲတွင်းထဲ ကျရောက်နေကြရပြီး လူသန်းပေါင်း ၁၅၀ ခန့်ဟာလည်း ငွေကြေးအခက်အခဲနဲ့ ရင်ဆိုင်နေကြရပါတယ်။ ဒီအခက်အခဲတွေကို ဖြေရှင်းနိုင်ဖို့အတွက် ကမ္ဘာ့ကုလသမဂ္ဂအဖွဲ့ဝင် နိုင်ငံတွေဟာ ၂၀၃၀ ပြည့်နှစ်မှာ Universal Health Coverage (UHC) စနစ်ကို ကမ္ဘာတဝှမ်းလုံးမှာ ဖော်ဆောင်နိုင်အောင် ကြိုးပမ်းဖို့ သဘောတူညီခဲ့ကြပါတယ်။
Universal Health Coverage ဆိုတာ ဘာပါလဲ
လူတိုင်းလက်လှမ်းမီသော ကျန်းမာရေးစောင့်ရှောက်မှုစနစ် (Universal Health Coverage) ဆိုတာဟာ ဆင်းရဲချမ်းသာမရွေး မရှိမဖြစ်လိုအပ်တဲ့ ကျန်းမာရေးစောင့်ရှောက်မှုတွေကို ငွေကြေးအခက်အခဲ မရှိစေပဲ လူတိုင်းအတွက် ပေးနိုင်ဖို့ ရည်ရွယ်တဲ့စနစ် ဖြစ်ပါတယ်။ ၂၀၁၅ ခုနှစ်မှာ ကမ္ဘာ့ကုလသမဂ္ဂရဲ့ ရေရှည်တည်တံ့ဖွံ့ဖြိုးရေးပန်းတိုင်များ (Sustainable Development Goals) ကို လိုက်နာကျင့်သုံးတဲ့ နိုင်ငံတိုင်းအတွက် UHC ဟာ မဖြစ်မနေဖော်ဆောင်ရမယ့် လျာထားချက်တစ်ခုလည်းဖြစ်ပါတယ်။
မြန်မာနိုင်ငံမှာ UHC ကို ဖော်ဆောင်နေပြီလား
ကုလသမဂ္ဂအဖွဲ့ဝင် နိုင်ငံတစ်နိုင်ငံဖြစ်တဲ့ မြန်မာနိုင်ငံဟာလည်း ၂၀၃၀ ပြည့်နှစ်မှာ UHC ကို ရရှိဖော်ဆောင်ဖို့ အတွက် ကြိုးပမ်းလျက်ရှိပါတယ်။ ဒါပေမယ့်လည်း မြန်မာနိုင်ငံရဲ့ ကျန်းမာရေးစောင့်ရှောက်မှု ကဏ္ဍဟာ အိမ်နီးချင်းနိုင်ငံတွေနဲ့ ယှဉ်ရင် ဆယ်စုနှစ်ပေါင်းများစွာ နောက်ကျကျန်နေပါသေးတယ်။ အာဆီယံနိုင်ငံတွေထဲမှာ မြန်မာနိုင်ငံဟာ မွေးဖွားစဉ်သေဆုံးမှုနှုန်း အမြင့်မားဆုံးဖြစ်ပြီး ၂၀၁၄ ခုနှစ် စာရင်းများအရ မွေးဖွားမှု ၁သိန်းမှာ ၂၈၂ဦးနှုန်း အထိ သေဆုံးခဲ့ပါတယ်။ နိုင်ငံတော် အစိုးရရဲ့ ကျန်းမာရေး အသုံးစရိတ်ဟာ ကမ္ဘာ့ဘဏ် အချက်အလက်များအရ ၂၀၁၄ ခုနှစ်မှာ GDP ရဲ့ ၂.၂၇၆ ရာခိုင်နှုန်းပဲ ရှိပြီး ကျန်းမာရေးစောင့်ရှောက်မှုတွေအတွက် နိုင်ငံသားများရဲ့ ကိုယ်တိုင်ကိုယ်ကျ ကျခံသုံးစွဲရမှု (Out-of-Pocket Expenditure) ဟာလည်း ၅၀. ၆၈၉ ရာခိုင်နှုန်း အထိရှိခဲ့ပါတယ်။ UHC ကို ရရှိဖော်ဆောင်ဖို့အတွက် ဒီအခြေအနေတွေကို ကျော်လွှားနိုင်ဖို့လိုအပ်ပါတယ်။
Telehealth စနစ်ဟာ UHC အတွက် အထောက်အကူလာဖြစ်နိုင်သလား
UHC ကို ရရှိဖော်ဆောင်ရာမှာ မြန်မာနိုင်ငံအတွက် စိန်ခေါ်မှုများစွာရှိနေပါတယ်။ ဒီစိန်ခေါ်မှုတွေထဲမှာ လမ်းပန်းဆက်သွယ်ရေးခက်ခဲမှု၊ ကျန်းမာရေးလုပ်သားအင်အား ရှားပါးမှု၊ ငွေကြေးဆိုင်ရာချို့တဲ့မှု တွေလည်း ပါဝင်ပြီး ဒါတွေကို ဖြေရှင်းနိုင်ဖို့ Telehealth စနစ်ဟာ နည်းလမ်းကောင်းတစ်ခုဖြစ်ပါတယ်။
Telehealth ဆိုတာကတော့ အဝေးတစ်နေရာမှာရှိတဲ့ လူနာကို ဆက်သွယ်ရေးနည်းပညာတွေ အသုံးပြုပြီး ကျန်းမာရေးစောင့်ရှောက်မှု ပေးတဲ့စနစ်ဖြစ်ပါတယ်။ Telehealth စနစ်ပုံစံ များစွာရှိတဲ့အထဲမှာမှ မိုဘိုင်းဖုန်းကို သုံးပြီး ကျန်းမာရေးစောင့်ရှောက်မှု ပေးတဲ့ mHealth (Mobile Health) စနစ်ဟာ မြန်မာနိုင်ငံရဲ့ အခြေအနေနဲ့ အကိုက်ညီဆုံးပါပဲ။
မြန်မာနိုင်ငံမှာ Telehealth စနစ်ကို ဖော်ဆောင်နိုင်ပြီလား
တိုးတက်ပြောင်းလဲလာတဲ့ နည်းပညာတွေနဲ့အတူ မြန်မာနိုင်ငံမှာ Telehealth စနစ်ကို အစပြုလုပ်ဆောင်နေပြီ ဖြစ်ပါတယ်။ လက်ရှိအချိန်မှာ OnDoctor ကုမ္ပဏီဟာ mHealth စနစ်ကို အသုံးပြုပြီး ကျန်းမာရေး စောင့်ရှောက်မှုများကို မြန်မာနိုင်ငံသားတိုင်းအတွက် အခမဲ့ပေးအပ်လျက်ရှိပါတယ်။
OnDoctor က UHC အတွက် ဘယ်လိုထောက်ပံ့ပေးနိုင်မှာလဲ
OnDoctor ဟာ ကျန်းမာရေးဆိုင်ရာ ဆွေးနွေးမေးမြန်းမှုများကို ကျွမ်းကျင်တဲ့ ဆရာဝန်များက Facebook Message ကနေတဆင့် ဖြေကြားပေးနေတဲ့ ကုမ္ပဏီဖြစ်ပါတယ်။ ဒီလိုဖြေကြားပေးမှုအားလုံးဟာ အခမဲ့ဖြေကြားပေးတာ ဖြစ်တဲ့အတွက် မေးမြန်းသူလူနာများရဲ့ ငွေကြေးကုန်ကျမှုကို သက်သာစေပါတယ်။ ဒါဟာ ကျန်းမာရေးအတွက် ကိုယ်တိုင်ကိုယ်ကျ ကျခံသုံးစွဲရမှု (Out-of-Pocket Expenditure) ကိုလျော့နည်းစေနိုင်မှာပါ။ ဒါ့အပြင် အင်တာနက်ကို အသုံးပြုပြီး အဝေးကနေ ဆွေးနွေးမေးမြန်းနိုင်တဲ့အတွက် သွားလာရခက်ခဲတဲ့ နေရာဒေသတွေအတွက် လွန်စွာအကျိုးရှိစေမှာဖြစ်သလို သွားရေးလာရေးခက်ခဲတဲ့ မသန်စွမ်းတွေအတွက်လည်း အထောက်အကူဖြစ်စေနိုင်မှာ ဖြစ်ပါတယ်။ ဆရာဝန်တွေအနေနဲ့လည်း မိမိတို့နေရပ်ကနေ အလွယ်တကူ ဖြေကြားပေးနိုင်တဲ့အတွက် မြန်မာနိုင်ငံရဲ့ ဆရာဝန်အင်အားမလုံလောက်မှုကို အတိုင်းအတာတစ်ရပ်အထိ ပြေလည်စေနိုင်ပါတယ်။ ဒီအချက်တွေကြောင့်လည်း OnDoctor ကုမ္ပဏီဟာ မြန်မာနိုင်ငံရဲ့ UHC ဖော်ဆောင်ရေးမှာ တဖက်တလမ်းက အထောက်အပံ့ပေးနိုင်မှာဖြစ်ပါတယ်။
UHC ကို ပိုမိုကျယ်ပြန့်စွာ ဖော်ဆောင်နိုင်ခြင်းဟာ နိုင်ငံသားတိုင်းရဲ့ ကျန်းမာရေးကို တိုးမြှင့်နိုင်ခြင်းပဲ ဖြစ်ပါတယ်။ ကျန်းမာတဲ့နိုင်ငံသားတွေ ရှိမှသာ နိုင်ငံရဲ့ ကုန်ထွက်စွမ်းအားဟာလည်း တိုးတက်လာနိုင်မှာပါ။ ဒီအတွက်ကြောင့် ကျန်းမာတဲ့ လုပ်သားအင်အားစု ဖြစ်လာစေဖို့အတွက် စီးပွားရေးလုပ်ငန်းတွေ အနေနဲ့လည်း UHC ကို ဖော်ဆောင်ရာမှာ ဝိုင်းဝန်းပါဝင်သင့်ကြပါတယ်။ မိမိတို့ရဲ့ လုပ်သားတွေကို ကျန်းမာရေးစောင့်ရှောက်မှု မြှင့်တင်ပေးတဲ့အတွက် လုပ်ငန်းတွေရဲ့ ထုတ်လုပ်မှုဟာလည်း တိုးတက်လာနိုင်ပါတယ်။
ဒါကြောင့် ကျန်းမာရေးအတွက် ငွေကြေးဟာ အတားအဆီးမဖြစ်စေဖို့ လူတိုင်းအတွက် အခမဲ့ကျန်းမာရေး စောင့်ရှောက်မှုရရှိစေပြီး စီးပွားရေးလုပ်ငန်းတိုင်းအတွက်လည်း အကျိုးရှိစေမယ့် OnDoctor ရဲ့ “Good for Business, Good for Health” အစီအစဉ်မှာ ပူးပေါင်းပါဝင် ဆောင်ရွက်ကာ မြန်မာနိုင်ငံရဲ့ UHC ဖော်ဆောင်မှုကို ဝိုင်းဝန်းကူညီကြဖို့ တိုက်တွန်းအပ်ပါတယ်။
